Këtë fillim viti Elbasani është kthyer në një kantier ndërtimi.
Shumë rrugë po ristrukturohen, e në sinkron me këtë, investime po kryen dhe brenda lagjeve të qytetit.
Pak ditë më parë ka nisur puna për rehabilitimin e rrugëve në blloqet e pallateve të lagjes “Syrja Dylgjeri” në Elbasan, që do të ketë ndriçim dhe trotuare të gjelbëruara.
Kryetari i bashkisë, Gledian Llatja, i cili po ndjek në ecuri punimet deklaroi se “shumë shpejt, banorët e lagjes “Syrja Dylgjeri” në Njësinë 3 do të kenë infrastrukturë me standarde, ndriçim dhe trotuare të gjelbëruar”.
Njëkohësisht për të shmangur çdo të papritur në këtë stinë dimri, punime po kryen edhe në Njësinë Administrative Papër, ku ekipi i Agjencisë së Shërbimeve Publike në bashkinë e Elbasanit po bën pastrimin e kanaleve kulluese të tokave bujqësore në fshatin Broshkë të kësaj Njësie.
Si një nga problematikat e vazhdueshme të zonës, ekipi po merr masa për të shmangur çdo të papritur të dimrit.
Duke shprehur edhe një herë mbështetjen e institucionit që ai drejton, Llatja deklaroi se “bashkia është gjithmonë aty për t’ju përgjigjur çdo problematike e shqetësimi të banorëve”.
![](https://i0.wp.com/www.elbasaniplus.com/wp-content/uploads/2020/01/82838992_1468371086672638_5789903656341995520_n.jpg?resize=618%2C412&ssl=1)
![](https://i0.wp.com/www.elbasaniplus.com/wp-content/uploads/2020/01/82937130_1468371076672639_5156197509743247360_n-1.jpg?resize=618%2C412&ssl=1)
![](https://i0.wp.com/www.elbasaniplus.com/wp-content/uploads/2020/01/82150239_1468371020005978_7556766104274599936_n-2.jpg?resize=618%2C412&ssl=1)
![](https://i0.wp.com/www.elbasaniplus.com/wp-content/uploads/2020/01/82587250_1468371023339311_8113231236899536896_n.jpg?resize=618%2C412&ssl=1)