ElbasaniPlus Lajmet më të fundit nga Elbasani dhe jo vetëm.
NGA FATMIR POPJA
Mbizotërimi i motit të keq i shoqëruar me stuhi dhe erëra mjaft të forta gjatë dy ditëve të fundit ka shkaktuar probleme serioze në disa fshatra malorë në disa bashki të Qarkut të Elbasanit. Situata më e rënduar sipas burimeve zyrtare paraqitet në bashkitë, Librazhd, Prrenjas, Gramsh.
Nga kushtet atmosferike të pazakonta janë shkaktuar dëme në sektorin energjitik sidomos në zonën e Librazhdit. Për eliminimin e dëmeve janë në terren prej 48 orësh duke punuar pa ndërprerje grupet e punës të OSSH Librazhd të cilat po punojnë për riparimin e dëmeve dhe defekteve për të rikthyer energjinë elektrike qytetit dhe fshatrave të Librazhdit.
Nga stuhia dhe era e fortë janë thyer shtylla të tensionit të ulët dhe të tensionit të lartë si dhe janë këputur disa km të përcjellsave elektrike. Po kështu janë djegur edhe trasformatorët në disa lagje të fshatrave të Librazhdit nga shkarkimet atmosferike. Gjithashtu në linjat e Tensionit të lartë dhe të mesëm ka patur raste të shumta të rënies së pemëve të cilat kanë shkaktuar dëme të mëdha në rrjetin energjitik në Togëz, Dorëz, Zgosht, Fushë Struden Steblevë, Neshtë, Dranovicë, Orenjë, Librazhd Qendër, lb katund, babje, spathar, Dardhë, Hotolisht, Ferrë, Vehçan , Xhyrë, Polis, Sopot, Zona e Qukësit ,Stranik, Stravaj , Golik, Mokër një pjesë e Rrajcës. Ndërkohë është rikthyet normaliteti në Mamël ,Dopaj e Labinot Mal të Elbasanit dhe ne disa fshatra të Gramshit.