ElbasaniPlus Lajmet më të fundit nga Elbasani dhe jo vetëm.
Policia Rrugore e Elbasanit ka vijuar kontrollet e shtuara në të gjitha akset rrugore të qarkut, duke përdorur pajisje teknologjike për të identifikuar dhe ndëshkuar shkelësit e rregullave të qarkullimit. Qëllimi kryesor i këtyre kontrolleve është rritja e sigurisë rrugore dhe parandalimi i aksidenteve.
Në kuadër të Plan-Operacionit “ROADPOL”, Policia ka ndërmarrë veprime të forta kundër drejtuesve të mjeteve që drejtojnë automjetin nën ndikimin e alkoolit. Si rezultat:
16 drejtues mjetesh janë arrestuar për drejtim mjeti në gjendje të dehur.
85 drejtues mjetesh janë ndëshkuar administrativisht për të njëjtën shkelje.
Gjithashtu, gjatë dy javëve të para të shkurtit, janë ndëshkuar në total 4081 drejtues mjetesh për shkelje të ndryshme të rregullave të qarkullimit. Konkretisht:
862 shoferë janë ndëshkuar për parakalime të gabuara.
620 drejtues automjetesh janë ndëshkuar për mosvendosjen e rripit të sigurimit.
430 shoferë janë kapur duke përdorur celularin gjatë drejtimit të mjetit.
109 drejtues motomjetesh janë ndëshkuar për mosvendosjen e kaskës mbrojtëse.
1120 shoferë janë ndëshkuar për tejkalim të shpejtësisë mbi normat e lejuara.
320 drejtues janë gjobitur për ndalim ose parkim në kundërshtim me sinjalistikën rrugore.
620 drejtues mjetesh janë ndëshkuar për shkelje të tjera të Kodit Rrugor.
Policia Rrugore ka deklaruar se kontrollet do të vijojnë me intensitet në të gjitha akset urbane, interurbane dhe rurale, duke përdorur teknologjinë bashkëkohore për të garantuar respektimin e rregullave të qarkullimit.
Autoritetet apelojnë për të gjithë drejtuesit e mjeteve që të respektojnë rregullat e qarkullimit rrugor, të shmangin parakalimet e gabuara, të mos përdorin celularin gjatë drejtimit dhe të mos drejtojnë automjetin nën efektin e alkoolit, në mënyrë që të shmangen aksidentet dhe pasojat e rënda në rrugë.
