Donaldi e nxjerr 100 mijë euroshin për një natë, del në skenë me Romeon para qindra fansave

Nuk fitoi dot Big Brother VIP dhe trofeun 100 mijë euro, por fitoi mijëra zemra të shqiptarëve në mbarë botën. Donald Veshaj është njeriu i momentit në Shqipëri.

Buja e tij në programin më të ndjekur në historinë e televizioneve shqiptare është aq e madhe, saqë një natë pas finales aktori është ftuar te “Cinco Cavalli” bashkë me vëllain e tij Romeo.

Elgit Doda sonte ishte i ftuar të performonte në këtë lokal të famshëm dhe miqësia e tij me familjen Veshaj ka bërë që mbrëmja të ishte fenomenale, sepse ai ka marrë me vete edhe binjakët.

Deri tani kanë qarkulluar fotot dhe videot e para të dyshes Donald-Romeo. Mijëra fansa janë duke i ndjekur drejtpërdrejt në disa video live në Instagram.

Ndërkohë, qindra të tjerë janë në lokal sonte, duke dëgjuar tingujt e muzikës së Elgitit dhe duke u argëtuar me humorin e dy aktorëve të talentuar.

E vetmja gjë që na mbetet dilemë akoma është se ku do t’i shohim ata në sezonin e ri televiziv. Spekulohet se Donaldi e ka refuzuar ofertën e Top Channel, sepse priste të dilte fitues mbrëmë.