Një aksident i frikshëm ndodhi gjatë mesditës së sotme brenda tunelit të Elbasanit, ku për pasojë u lënduan dy persona, sipas variantit zyrtar të Policisë. Ajo që duket nga pamjet e aksidentit është se dy mjetet e përfshira në përplasje kanë marrë dëme të mëdha, ndërkohë që të plagosurit u transportuan drejt spitalit të Traumës në Tiranë.
Mësohet se në aksident u përfshinë 2 makina një “Ford” dhe një “Audi”. Nga të dhënat e para mësohet se një nga dy makinat, “Ford”-i humbi kontrollin si pasojë e shpejtësisë dhe manovrave duke marrë përpara edhe mjetin tjetër, “Audi”.
Siç shihet dhe nga pamjet dëmet janë të konsiderueshme, ndërkohë që për rreth një orë u bllokua qarkullimi mes dy qyteteve duke shkaktuar një radhë të madhe mjetesh.
![](https://i0.wp.com/www.elbasaniplus.com/wp-content/uploads/2020/12/dalin-pamjet-nga-brenda-tunelit-780x405-1-750x375-1.jpg?resize=618%2C309&ssl=1)