Buxhetimi me Pjesëmarrje i cili nisi në 12 njësitë vendore të Bashkisë së Elbasanit, tashmë ka vijuar me lagjet e qytetit. Në lagjet nr1, dhe nr. 2 kryetari i bashkisë, Gledian Llatja, i shoqëruar nga deputetët Evis Kushi dhe Florenc Spaho kanë dëgjuar problematikat e banorëve të cilët nga viti në vit po marrin pjesë në këtë proces të rëndësishëm, i cili konsiston në më shumë investime në qytet.
![](https://i0.wp.com/elbasaninews.al/wp-content/uploads/2019/10/buxhetimi-ne-qytet-1.jpg?w=618)
Banorët e këtyre lagjeve u ndalën kryesisht në rikonstruksionet e shkollave, vendosjen e më shumë koshave për mbetjet, në mënyrë që të rritet ndërgjegjësimi për një qytet të pastër, kënde lojërash etj.
![](https://i0.wp.com/elbasaninews.al/wp-content/uploads/2019/10/buxhetimi-ne-qytet-2.jpg?w=618)
Duke u ndalur tek shkollat edhe një herë kryetari i bashkisë ritheksoi se “ato mbeten prioritet i bashkisë së Elbasanit dhe ndërhyrjet do të jenë tërësore, model i cili është ndjekur edhe në shkollat “Ali Agjah”, “Bardhyl Popa” apo në shkollën që është në proces “Jorgji Dilo”.
![](https://i0.wp.com/elbasaninews.al/wp-content/uploads/2019/10/buxhetimi-ne-qytet-3.jpg?w=618)
Ndërsa shtoi se çdo ditë në qytet zhvillohen aktivitet apo bëhen punë në shërbim të komunitetit, duke i dhënë një zhvillim më të madh çdo lagjeje, qendër apo periferi. Ndërsa në lagjen nr. 3 ishte banorët shprehën shqetësimet e tyre sidomos për rrugën kryesore dhe kanalizimet.
![](https://i0.wp.com/elbasaninews.al/wp-content/uploads/2019/10/buxhetimi-ne-qytet-4.jpg?w=618)
Një pjesë e madhe e kësaj lagjeje është ndërtuar pas viteve ’90 si një zonë informale dhe problemet kanë qenë të mëdha. Tashmë në pjesën më të madhe të kësaj zone është zgjidhur problemi i ujit të pijshëm e po ashtu disa infrastruktura e shkollave është përmirësuar, ndërsa ende mbetet shumë për t’u bërë.
![](https://i0.wp.com/elbasaninews.al/wp-content/uploads/2019/10/buxhetimi-ne-qytet-5.jpg?w=618)
Kryetari i bashkisë duke i konsideruar të rëndësishme të gjithë problematikat e ngritura nga banorët kërkoi koncentrimin e tyre në pjesët më të rëndësishme dhe që prekin një komunitet më të madh njerëzish.
![](https://i0.wp.com/elbasaninews.al/wp-content/uploads/2019/10/buxhetimi-ne-qytet.jpg?w=618)
Llatja tha se buxheti i bashkisë do të përdoret me efikasitet aty ku ka nevojë komuniteti. bashkia e Elbasanit disa vite më parë ka aplikuar Buxhetimin Gjinor me Pjesëmarrje, ku ishin pikërisht gratë pjesa më e rëndësishme e vendimmarrjes./m.s/
Nje koment
Pingback: 1scullery