Bashkia Elbasan pjesë e projekteve të BE-se “Rrjeti i qyteteve për Ballkanin Perëndimor”

Kryetari i Bashkisë z. Gledian Llatja, ka nënshkruar në Sarajevë, Memorandumin e Mirëkuptimit në kuadër të projekteve të Bashkimit Europian, Rrjeti i Qyteteve për Ballkanin Perëndimir.

Gjatë kësaj vizite në Bosnje Hercegovinë, kryebashkiaku Gledian Llatja është pritur nga kryetarja e bashkisë së Sarajevos, Benjamina Karić rođ. Londrc, duke e falenderuar këtë të fundit për mikpritjen dhe punën e mirë në krye të bashkisë së Sarajevos.

“Tanimë do të kemi një tjetër nivel në marrëdhëniet mes bashkive tona duke u konkretizuar në projekte të përbashkëta në familjen e madhe europiane”, ka thënë në fjalën e tij z. Llatja.

Memorandumi i Mirëkuptimit për krijimin e projekteve të Bashkimit Europian, Rrjeti i Qyteteve për Ballkanin Perëndimor, është nënshkruar mes nëntë qyteteve nga gjashtë vende të Ballkanit Perëndimor, Elbasanit, Prishtinës, Sarajevës, Tivarit, Podgoricës, Leskovcit, Sveti Nikollës, Mostarit dhe Novi Pazarit.