ElbasaniPlus Lajmet më të fundit nga Elbasani dhe jo vetëm.
Nga Fatmir Popja
Stina e pranverës ka aktivizuar alergjitë e stinës në qytetin e Elbasanit dhe në rrethinat e tij. Rritja e temperaturave dhe rrezatimi diellor i javës së parë të muajit Prill ka shkaktuar fluks vizitash në qendra shëndetësore, poliklinika dhe pranë mjekëve të specializuar të olergologjisë.
Një situatë e tillë konstatohet edhe në Elbasan. Mjekja alergologe Gerta Sinani na njeh me alergjitë më të zakonshme të stinës, kujdesin që duhet të tregojnë pacientët në mënyrë që të mos e ngatarrojnë me virozat e stinës dhe se përse fëmijët dhe të rinjtë rezultojnë më të prekurit nga alergjitë.
Faktorët që ndikojnë në shfaqjen e alergjive janë të shumta, por mjekja alergologe pohon se ndotja e ajrit e rëndon gjëndjen shëndetësore të pacientëve. Në një qytet me ndotje të lartë si Elbasani kujdesi do të duhet të jetë më i shtuar.
Mjekja alergologe pranë Poliklinikës së Specialiteteve në Elbasan ndan disa këshilla të vlefshme sesi ti përmballojmë më lehtë alergjitë e stinës.
Alergjitë e pranverës fillojnë në fund të marsit dhe vazhdojnë deri në qershor. Sipas Dr.Gerta Sinani, Alergologe në Spitalin Rajonal të Elbasanit, kulmi i këtyre alergjive arrin në maj, por kjo është e varur edhe nga kushtet atmosferike.
