Aksident rrugor në aksin Elbasan – Peqin. Paragjerët dërgohen në spital

Një aksident rrugor mësohet se ka ndodhur ditën e sotme rreth orës 15:00 në aksin Elbasan – Peqin. Bëhet me dije se drejtuesi i mjetit ka humbur kontrollin dhe ka dalë nga rruga, raporton elbasaniplus. Si pasojë e aksidentit janë dëmtuar 3 pasagjerët të cilët janë dërguar menjëherë në spitalin e Elbasanit

Njoftimi i policisë

Më datë 05.12.2021, rreth orës 15:10, në aksin rrugor Elbasan-Peqin, shtetasi E. B., rreth 23 vjeç, banues në Elbasan, duke drejtuar mjetin dyshohet se ka humbur kontrollin mbi drejtimin e mjetit dhe ka dalë nga rruga. Për pasojë, janë dëmtuar pasagjerët në mjet, shtetaset M. S., rreth 48 vjeçe, R. S., 52 vjeçe dhe K. S., 21 vjeç, banues në Elbasan, të cilët ndodhen në Spitalin e Elbasan, nën kujdesin e mjekëve, jashtë rrezikut për jetën. Grupi hetimor po punon për zbardhjen e rrethanave të ngjarjes.