Aksident me pasojë vdekjen në Elbasan/Makina përplas 20-vjeçarin dhe largohet nga vendi i ngjarjes.

Një 20-vjeçar është përplasur nga një makinë në qytetin e Elbasanit dhe për pasojë ka ndërruar jetë rrugës për në spital.

Sipas policisë rreth orës 21:25, në unazën e qytetit, një automjet ende i paidentifikuar, ka aksidentuar, këmbësorin shtetasin F. S., rreth 20 vjeç, dhe është larguar nga vendi i aksidentit.

Si pasojë shtetasi F. S., ka ndërruar jetë rrugës për në spital.

Grupi hetimor ndodhet në vendngjarje dhe po punon për zbardhjen e rrethanave të aksidentit, identifikimin dhe kapjen e drejtuesit të automjetit.