Aksident me pasojë vdekjen në Elbasan. 17 vjeçari përplas me makinë biçikletën.

Një aksident i rëndë ka ndodhur mbrëmjen e sotme në aksin rrugor Elbasan-Peqin. Nga njoftimi i policisë mësohet se një mjet tip Benz i drejtuar nga një 17 vjeçar ka përplasur një 73 vjeçar që po ngiste biçikletën. Për pasojë ka humbur jetën 73 vjeçari.

Njoftimi i policisë:

Elbasan/ Informacion paraprak.
Më datë 13.12.2022, në aksin rrugor Elbasan-Peqin, në fshatin Pajovë, shtetasi J. Gj., 17 vjeç, banues në fshatin Pajovë, duke drejtuar pa leje drejtimi automjetin tip “Benz”, ka aksidentuar, biçiklistin, shtetasin B. K., 73 vjeç, banues në fshatin Çengelaj,Peqin, i cili për pasojë ka ndërruar jetë.

Drejtuesi i automjetit është shoqëruar në Komisariatin e Policisë për veprime të mëtejshme.

Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.