A të mbrojnë antitrupat ndaj një ri-infektimi të dytë me COVID-19?! Habit studimi i ri

Ka prova të reja që lidhin testimin pozitiv për antitrupat ndaj COVID-19 nga një infeksion paraprak me një rrezik dukshëm më të ulët të infektimit përsëri në të ardhmen. Një studim, i botuar në revistën JAMA Internal Medicine dje (e mërkurë), zbuloi se njerëzit që rezultuan pozitivë për antitrupa ndaj COVID-19 ishin në një rrezik të zvogëluar të infeksionit me coronavirus krahasuar me ata që testuan negativë për antitrupa.

“Rezultatet nga studimi janë në thelb një reduktim dhjetë fish, por unë do të kisha paralajmërime rreth kësaj. Me fjalë të tjera, mund të jetë një mbivlerësim i zvogëlimit. Mund të jetë një nënvlerësim i uljes”, tha Dr. Douglas Lowy , nëndrejtori kryesor i Institutit Kombëtar të Kαncerit, i cili ishte autor i studimit.

“Për mua, mesazhi i madh është – ka një ulje”, tha ai. “Kryesorja është se të kesh antitrupa pozitiv pas infeksionit natyror që shoqërohet me mbrojtje të pjesshme kundër një infeksioni të ri”.

Studiuesit – nga Instituti Kombëtar i Kancerit dhe kompanitë LabCorp, Quest Diagnostics, Aetion Inc. dhe HealthVerity – ekzaminuan të dhëna për më shumë se 3.2 milion njerëz në Shtetet e Bashkuara të cilët kishin përfunduar një test të antitrupave ndaj COVID-19 vitin e kaluar midis janarit dhe gushtit.

Midis të testuarve, 11.6 për qind rezultuan pozitivë për antitrupat ndaj COVID-19 dhe 88.3 për qind testuan negativë. Në të dhënat pasuese, studiuesit zbuluan se vetëm 0.3 për qind e atyre që testuan pozitivisht për antitrupa ndaj COVID-19 përfunduan në testimin pozitiv për infeksionin e koronavirusit më vonë, përtej 90 ditësh. Ndërsa, tre për qind e atyre me rezultate negative të testit të antitrupave ndaj COVID-19 u diagnostikuan më vonë me infeksion coronavirus gjatë asaj periudhe të njëjtë kohore.

Në përgjithësi, studimi është vëzhgues dhe sugjeron se ekziston një lidhje midis rezultateve pozitive të testit të antitrupave ndaj COVID-19 dhe një rreziku më të ulët të infeksionit rreth 90 ditë më vonë – por kërkohet më shumë hulumtim për të përcaktuar një lidhje shkakore dhe rreth asaj për sa kohë mund të zgjas mbrojtja nga antitrupat.