Rrëmbeu dy medalje bronzi në kampionatin botëror, njihuni me yllin 15 vjeçar të peshëngritjes në Elbasan

Është vetëm 15 vjeçe por ia ka dal të bëjë krenar një komb. Enkileda Carja është padyshim krenaria e qytetit të Elbasanit dhe ylli në ngritje i sportit të Peshëngritjes Shqiptare. Kjo sportiste që sot është vetëm 15 vjeçe tregon se pasionin për këtë sport i lindi duke parë motrën e saj më të rritur e cila gjithashtu është peshëngritëse. Që në moshën 9-vjeçare Enkileda do të fillonte stërvitjen intensive dhe do të bëhej pjesë e grupit të peshëngritjes së qytetit të Elbasanit. Falë punës së palodhur dhe stërvitjes çdo ditë ajo ia arriti që të shpallej e 3-ta në botë vetëm pak ditë më parë në Kampionatin Botëror të Peshëngritjes U-17 të zhvilluar në qytetin e Durrësit. Enkileda tregon se si e përjetoi garën më të rëndësishme për të deri më tani.

Ajo thotë se pavarësisht se në fillim ka ndier një paragjykim për shkak se ky sport konsiderohet si sport burrash kjo nuk e ka ndalur të zhvillojë talentin e saj dhe ta mendojë si një profesion Peshëngritjen.

Vitet e fundit sporti i peshëngritjes ka njohur një interes të madh sa i takon femrave. Englantina Çuni, trajneria e Enkiledës thotë se ajo është ndër vajzat më të talentuara që ka stërvitur dhe se arritjet e saj do të vijojnë të na bëjnë krenar siç ndodhi në kampionatin botëror të peshëngritjes U-17 ku spikati ndër më të mirët mes 57 ekipeve nga mbarë bota.

Të jesh një sportiste e mirë nuk mjafton vetëm pasioni. Enkileda stërvitet çdo ditë 5 orë në palestër nën kujdesin e trajneres së saj.

Abc