Olta Gixhari: Jam shumë e varur psikologjikisht nga burri im

Olta Gixhari ka folur sot për familjen e saj  në “Big Brother VIP” dhe se sa e rëndësishme është për të. Shumë pak dihet për bashkëshortin e Gixharit, por për aktoren ai ka një ndikim të madh, aq sa ajo thotë se është e varur ‘psikologjikisht’ nga ai.

Çdo vendim që merr, aktorja thotë se ka nevojë për fjalën e tij.

“Ndonjëherë nuk i gjej fjalët për ta shpjeguar pse vendosa të vij këtu. Sepse unë praktikisht e kisha harruar Oltën komplet, e kisha lënë çdo gjë. Për mua familja është gjithçka. Ata të dy i dua shumë. Nuk jetoj dot pa ata.

Për mua është sfidë më vete, se jam shumë e varur psikologjikisht nga burri im. Unë kam nevojë për fjalën e atij për çdo hap që hedh. Unë që dukem femër e fortë, kam varësi psikologjike nga ai njeri, të frikshme. Unë çdo veprim që bëj këtu më del para syve ai,”- është shprehu aktorja.