Monday , August 15 2022

Mori vajzën me zor në makinë, procedohet penalisht 33 vjeçari në Elbasan

Specialistët për Hetimin e Kŗimeve në Komisariatin e Policisë Elbasan referuan materialet në Prokurori dhe nisi procedimi penal në gjendje të lirë, për shtetasin A. G., 33 vjeç, banues në Elbasan.

Ky shtetas dyshohet se ka mbajtur në mjetin e tij, një shtetase, pa dëshirën e saj. Materialet hetimore i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme procedurale

Gjithashtu njoftohet se Specialistët për Hetimin e Kŗimeve në Komisariatin e Policisë Elbasan, në vijim të punës hetimore për identifikimin dhe vënien përpara përgjegjësisë ligjore të autorëve të zjarrvënieve të qëllimshme, referuan materialet në Prokurori dhe nisi procedimi penal për shtetasin O. G., 20 vjeç, banues në fshatin Bradashesh, Elbasan.

Ky shtetas dyshohet se në fshatin Shijon, Elbasan, ka djegur me zjarr nga pakujdesia një sipërfaqe të konsiderueshme pyjore.