Detaje të reja/ Humbi kontrollin në aksin rrugor Elbasan-Librazhd, makina përfundoi në lumin Shkumbin

Një aksident i rënë është shënuar në aksin Elbasan-Librazhd në orët e para të mëngjesit të sotëm. Ngjarja e rëndë ka ndodhur në vendin e quajtur “Kthesa e Murrashit, ndërsa mësohet se një automjet ka humbur kontrollin dhe ka rënë në lumin Shkumbin.

Policia dhe zjarrfikësja kanë mbërritur menjëherë në vendngjarje dhe kanë bërë të mundur nxjerrjen e dy personave që udhëtonin me këtë automjet.

Këta dy të fundit, njëri prej tyre një fëmijë janë dërguar menjëherë në spital për ndihmë mjekësore. Deri më tani mësohet se fëmija ndodhet në gjendje të rëndë për jetën.

Familja që ndodhje në automjet është nga Kukësi, ndërsa mësohet se 2 ose 3 persona të jenë ende të bllokuar poshtë. Një shtetase është nxjerrë e gjallë prej aty ndërsa është shoqëruar drejt spitalit për ndihmë mjekësore.