ElbasaniPlus Lajmet më të fundit nga Elbasani dhe jo vetëm.
Elbasani ka nisur se zonin e ri të Superi ores me këmbën e mbarë, duke marrë një fitore që ka ndezur menjëherë entuziazmin e tifozëve verdheblu. Në një qytet ku futbolli ka gjithmonë një aromë historie dhe krenarie, ky fillim i mbarë shihet si sinjal se ekipi i drejtuar nga Ivan Gvozdenoviç mund të mos jetë thjesht një skuadër që lufton për mesin e tabelës, por një grup që synon stabilitet dhe rezultate solide.
Pas rikthimit në elitë sezonin e kaluar dhe qëndrimit dinjitoz, Elbasani duket më i qetë dhe më i konsoliduar. Pak lëvizje në merkato, por me një bosht të ruajtur dhe një frymë grupi që nuk mungon. Pikërisht për këtë, zëri i një ish-portieri dhe trajneri të mirënjohur si Muharrem Dosti ka peshë të veçantë.
Ai njeh mirë mentalitetin e skuadrës, atmosferën e qytetit dhe presionin që shoqëron çdo ndeshje. Në një prononcim ekskluziv për “Panorama Sport”, Dosti analizon fitoren e parë, shpjegon rëndësinë e saj për moralin e ekipit, flet për testin e radhës ndaj Egnatias dhe jep mendimin e tij për ecurinë e kampionatit që sapo ka nisur.
Elbasani e nisi me një fitore në start, e prisnit?
Po, e prisja. Skuadra ka ruajtur një bërthamë të rëndësishme lojtarësh nga sezoni i kaluar dhe ka punuar mirë gjatë fazës përgatitore. Nuk është fitore rastësore, por rezultat i një grupi që ka vazhdimësi dhe një staf teknik që e njeh mirë ekipin. Kur e fillon kampionatin me tre pikë, është gjithmonë një sinjal i qartë se je në rrugën e duhur.
Sa e rëndësishme është kjo fitore për moralin e skuadrës?
Është shumë e rëndësishme. Fitoret e para u japin lojtarëve siguri dhe e qetësojnë ambientin. Kur hyn në javët e para me rezultat pozitiv, presioni bie dhe ekipi luan më i lirshëm. Ky është një kapital moral që duhet shfrytëzuar, sidomos kur ke përballë ndeshje të vështira si ajo që vjen.
Ndeshja e radhës tani me Egnatian, si e shihni?
Është një provë shumë më e fortë. Egnatia është një skuadër që prej dy vitesh ka stabilitet, ka cilësi dhe është mësuar të luajë për objektiva të larta. Do të jetë një test i vërtetë për Elbasanin për të parë nëse fitorja e parë ishte vetëm një nisje e mirë, apo nëse ekipi ka vërtet potencial për të qëndruar lart. Këto ndeshje të tregojnë karakter in e vërtetë të skuadrës. Por, asnjëherë nuk ka nevojë për trysni në ekip, edhe nëse nuk merret rezultati që kërkohet.
Elbasani ka bërë pak lëvizje këtë merkato. Sa e ndihmon kjo gjë ekipin?
Unë mendoj se është një avantazh. Kur ke një grup që ka luajtur bashkë dhe e njeh njëri-tjetrin, nuk humbet kohë duke u përshtatur. Stabiliteti është një vlerë më vete, sidomos për një skuadër që kërkon të forcohet në Superiore. Sigurisht, gjithmonë nevojiten afrime cilësore, por më mirë pak dhe të zgjedhur, sesa shumë dhe pa kriter.
Si e shihni kampionatin këtë sezon? Kush mendoni se do jenë pretendentët?
Këtë vit kampionati do të jetë shumë i fortë, sepse nuk ka një mbi të tjerat dhe diferencat janë shumë të vogla. Pak a shumë janë skuadrat tradicionale që vazhdimisht luftojnë: Egnatia, Dinamo, Vllaznia, Partizani, Elbasani janë ekipet që duken më të konsoliduara dhe më të gatshme për pjesën e “Final 4”. Tirana gjithmonë mbetet faktor, ndërsa surpriza mund të vijë edhe nga skuadra si Flamurtari apo të tjerat. Megjithatë, nuk shoh një ekip që të dominojë plotësisht, prandaj mendoj se gara do të jetë e ngushtë dhe shumë interesante.
VLADIMIR MEMA – PANORAMASPORT.AL
