ElbasaniPlus Lajmet më të fundit nga Elbasani dhe jo vetëm.
Fluks vizitash janë regjistruar në repartin e Otorinolaringologjisë në Elbasan. Më shumë se 653 vizita janë kryer, ndërsa numër i konsiderueshëm kanë qenë fëmijë që kanë shfaqur probleme kryesisht nga infeksionet në vesh.
Tre muajt e parë të këtij viti, kanë pasur ngarkesë pacientësh në repartin Otorinolaringologjisë në Poliklinikën e Elbasanit.
Të paktën 653 pacientë kanë kërkuar ndihmë mjekësore, ndërsa sipas mjekëve, një numër i madh kanë pasur komplikacione.
Sipas mjekes Brunilda Urupi, një numër i madh rastesh kanë qenë fëmijë, ndërsa thekson se problemet kanë ardhur për shkak të virozave.
Vetëm në muajin shkurt ka pasur 73 fëmijë të prekur të cilat nëse nuk kurohen apo nuk ndiqen në kohë mund të shkaktojnë zgjatje infeksioni, dhimbje ulje të dëgjimit e deri në humbje të përhershme të dëgjimit.
© SYRI.net
