ElbasaniPlus Lajmet më të fundit nga Elbasani dhe jo vetëm.
Elbasani fitoi me përmbysje përballë Tiranës. Rezultati 2 me 1 e mban në garë për Final Four, pasi verdheblutë qëndrojnë 4 pikë prapa Partizanit.
Pas ndeshjes foli trajneri i Elbasanit. Ivan Gvozdenoviç deklaroi pas ndeshjes:
“Festë për të gjitha, jam shumë i kënaqur dhe i lumtur, e meritojnë të gjithë. Jam i mërzitur nga goli i Tiranës sepse vjen nga out dhe ishte gabimi ynë i vetëm nga fillimi në fund. E meritonim fitoren, sot ishte për tifozët.
Mendoja se mund ta humbisnim ndeshjen, por edhe kur shënoi Tirana ishim me besim te fitorja. Dhe me 1 pikë ndoshta ishim afër. Nuk jemi dorëzuar, sulmuam deri në fund. Çunat e meritonin dhe vjen një fitore shumë e bukur sot.
Ndoshta nuk jemi futur mirë. Tirana nuk rrezikoi, veç nga pasi midis linjave me Ndrecën dhe një lojtar nga krahët. Dhe këtu ishim pak me vonesë, komunikimi mes Sigit, Lila dhe Kasa i madh. Ky ishte problemi nga fillimi, pastaj kemi dominuar.
Jam i kënaqur nga të gjitha. Xhoel dhe Ibraimi nuk kapën ritmin si Tsage dhe Kasa i vogël. Ibraimi ka qenë jashtë, por nga Ibraimi mund të presim më shumë. Jam i kënaqur me Tsage dhe Kasën e vogël.
Ishte fitore për tifozët, kemi shumë respekt dhe gjithmonë atmosfera e bukur në Elbasan. Dua t’i falenderoj. Qose shënoi dy gola, i meriton. Nga ndeshja në Kupë deri tek Egnatia, Partizani, Korça, ishte gjithmonë afër dhe nuk shënoi. Nuk u dorëzua dhe sot erdhi momenti i mirë, i meriton të gjitha.
Kemi luajtur shumë mirë dhe nga fillimi, ndoshta kur ishim me Partizanin. Kemi një problem nga fillimi këtë sezon, pjesën e parë si në gjumë pastaj shumë mirë. Ishte moment i keq deri te goli, pastaj dominuam. Kemi shumë gjëra për të rregulluar. Do fillojmë nga stërvitja. Kemi 4 ndeshje, mendojmë për pikët. Do rregullojmë gjëra nga stërvitja, ndoshta kemi nevojë edhe për pak kohë”, u shpreh Gvozdenoviç për RTSH.
