Sunday , November 27 2022
FOTO ArKIVA

Rregullat e reja për të udhëtuar në Greqi, ja dy pikat doganore ku mund të kalohet

Pas njoftimit të rreth një muaj më parë të autoriteve Greke për mbylljen e kufijve me Shqipërinë, këtë të mërkurë Policia e Shtetit jep një njoftim të rëendësishëm për  qytetarët shqiptarë që punojnë në në Greqi. Referuar autoriteve greke bëhet me dije, se me shtetin helen do të jenë të hapura vetëm pikat kufitare në Kakavijë dhe Kapshticë.

Sipas njoftimit, shtetasit shqiptar apo të huaj me leje qëndrimi greke, duhet të plotësojnë një formular 48 orë para udhëtimit dhe më pas konfirmimin duhet ta paraqesë tek autoritetet doganore. Qytetarët që nuk kanë marrë konfirmimin nuk do të lejohen të kalojnë kufirin, po ashtu edhe shtetasit nga vendet e treta.

Njoftimi i policisë

Njoftim mbi lëvizjen nëpërmjet Pikave të Kalimit Kufitar me Greqinë

📌 Policia e Shtetit sqaron qytetarët se sipas njoftimit zyrtar të bërë nga autoritetet policore greke, në zbatim të vendimit të qeverisë greke, kufiri tokësor 🚧 me Greqinë do të jetë i hapur vetëm nga Pikat e Kalimit Kufirit Kakavijë dhe Kapshticë.

📌Shtetasit shqiptarë e të huaj me leje qëndrimi greke, shtetasit grekë dhe minoritarët që dëshirojnë të udhëtojnë drejt Greqisë duhet që brenda 48 orëve para udhëtimit të plotësojnë online formularin PFL (Passenger Locator Form) në adresën zyrtare në linkun: https://travel.gov.gr/#/

📌Pas plotësimit të formularit online, secili qytetar do të marrë ne e-mail një konfirmim me një barcode, të cilin do ta paraqesë para autoriteteve 🛂 në pikën hyrëse të kalimit në Greqi .\

📌Në rast se një qytetar nuk disponon konfirmimin me barcode, nuk do të lejohet të kalojë kufirin 🛂⛔.\

📌Qytetarët e vendeve të BE-së apo të vendeve të treta nuk lejohen të kalojnë kufirin.

📌Testimi për COVID-19 do të kryhet me përzgjedhje algoritmike dhe shtetasit që do t’i nënshtrohen testimit do të izolohen në adresën e deklaruar prej tyre deri në daljen e rezultatit. Në rast se qytetari rezulton pozitiv ✅ me COVID-19 do të karantinohet për 14 ditë në adresën e deklaruar.

📌Lëvizja e automjeteve të transportit të mallrave 🚛 🚚 vazhdon normalisht, si në hyrje edhe në dalje   por edhe shoferët e kamionëve duhet të plotësojnë formularin online.

Ndërsa Pikat e Kalimit Kufitar Tre Urat Përmet dhe Qafë Botë Sarandë janë të mbyllura nga pala greke. Në këto pika nuk lejohet as lëvizja e shtetasve dhe as e automjeteve.

Sipas mediave greke, zëdhënësi i qeverisë, Stelios Petsas ka bërë me dije, se në Greqi do të lejohen të futen vetëm rezidentët që kanë aryse thelbësore. Ndërsa punëtorët sezonalë, duhet të presin deri në datën 4 gusht për një njoftim të ri. Këto masa u morën për shkak të rritjes së rasteve me COVID-19 në mesin e punëtorëve sezonalë.

Advertisement