Një ngjarje e cila konsiderohet si mrekulli ka ndodhur në Itali, ku një fëmijë vetëm 2- vjeç është gjetur shëndoshë e mirë dy ditë pas zhdukjes në një pyll. Nicola Tanturli, djali dy-vjeçar që u zhduk nga shtëpia e tij në Palazzuolo sul Senio para dy ditësh u gjet i gjallë.
Mediat e huaja raportojnë se djali i vogël u gjet në përrua nga gazetari Giuseppe Di Tommaso. Nicola ishte vetëm me një këpucë dhe duket se ai ka ecur të paktën 4-5 km nga shtëpia deri në pikën ku u gjet. Ai u gjet nga gazetari i ‘Rai 1’ pasi kishte dëgjuar zhurma që vinin nga një përrua.
![](https://i0.wp.com/www.elbasaniplus.com/wp-content/uploads/2021/10/100629372-90d642c6-34e5-4f85-934b-6baabe0022ed-1024x659.jpg?resize=618%2C398&ssl=1)
“Dola nga makina për një moment dhe dëgjova një britmë. E kuptova menjëherë, kështu që fillova ta thërrisja me emër” Nicola “dhe ai u përgjigj me një zë të zbehtë “mami” në atë moment unë u hodha në përrua madje duke lënduar këmbën time. Ai ishte atje prapa një grumbulli ferrash dhe po thërriste mamanë. Ai dukej mjaft i dëshpëruar dhe i frikësuar,”– tregoi gazetari.