Ministrja e Shëndetësisë, Ogerta Manastirliu, tha se tek Spitali Infektiv vijon të ketë pacientë të rinj të shtruar, me simptoma të rënduara, si pasojë e koronavirusit. Me një shënim në facebook, ku ka publikuar foto nga Infektivi, Manastirliu thotë se i gjithë shërbimi nga ekzaminimet, deri tek trajtimi në terapinë intensive realizohen në spitalin infektiv nga ekipi i specializuar i mjekëve.
Ministrja i ka bërë thirrje qytetarëve që “të bëhen pjesë e betejës së përbashkët për të frenuar përhapjen e COVID-19”, duke i ftuar të respektojnë rregullat e përcaktuara.
![](https://i0.wp.com/www.elbasaniplus.com/wp-content/uploads/2020/07/Manastirliu1.jpg?fit=618%2C412&ssl=1)
“Vijon të ketë pacientë të rinj të shtruar në spital, me simptoma të rënduara, si pasojë e virusit të rŕezikshëm COVID19. I gjithë shërbimi, duke filluar nga ekzaminimet, deri tek trajtimi në terapinë intensive realizohen në spitalin infektiv nga ekipi i specializuar i mjekëve, infermierëve dhe të gjithë stafit mbështetës, me vetëmohim e sakrificë që prej fillimit të epidemisë!
![](https://i1.wp.com/www.elbasaniplus.com/wp-content/uploads/2020/07/Manastirliu2.jpg?fit=618%2C412&ssl=1)
Bëhu pjesë e betejës së përbashkët për të frenuar përhapjen e COVID19, duke respektuar rregullat. Ruaj distancën nga të tjerët. Vendose maskën. Kujdesu për higjienën personale dhe kolektive