Një 36-vjeçare, banuese në Londër është ndaluar për kontroll nga policia Kufitare e Rinasit dhe u gjet me 10.200 paund të padeklaruara. Gjatë kontrollit në cantën e dorës, u gjetën paratë që u sekuestruan në cilësinë e provës materiale.
“Shërbimet e Policisë Kufitare Rinas në vijim të punës për parandalimin dhe goditjen e paligjshmërisë, si rezultat i kontrolleve të shtuara bazuar edhe në analizën e riskut, në hyrje të Republikës së Shqipërisë, është ndaluar për kontroll shtetasja N. M, 36 vjeçe, banuese në Londër”, njofton policia.
Materialet i kaluan Prokurorisë pranë Gjykatës së Shkallës së Parë Tiranë, për veprën penale “Mosdeklarimi në kufi i të hollave ose sendeve me vlerë”.
![](https://i0.wp.com/www.elbasaniplus.com/wp-content/uploads/2021/10/011bbd5a-ec46-4dbe-a373-d2aff6f2698b-e1634283167867.jpg?resize=618%2C348&ssl=1)
Top Channel