Reshje në fundjavë? Sinoptikania Porja: Temperaturat do të rriten ndjeshëm, por do të shoqërohen me…

Sinoptikania Lajda Porja e ‘Meteoalb”, në një lidhje live me skype në News24 doli për parashikimin e motit për ditët në vijim.
Porja tha se fundjava do të shoqërohet me temperatura relativisht të larta, por do të ketë reshje shiu. Sakaq tha se edhe gjatë verës, përpos temperaturave të larta, nuk do të mungojnë as stuhitë tropikale.
“Maji ka qenë i lagësht. Të dielën do të ketë reshje shiu. Reshjet kanë qenë në përmasa të pakta dhe aspak problematike, krahasuar me Italinë. Deri në datat 28-29 do të jenë prezente reshjet. Zakonisht do të ndodhin pas orës 13:00. Ajo carë do jetë më ndryshe janë parametrat e temperaturave. Fundi i majit do sjellë temperature relativisht më të larta, por prezenca e reshjeve do të jetë. Nëse e llogaris me majin e kaluar kishte nisur sezoni i plazhit dhe me temperatura 32-33 gradë. Java e parë e qershorit do të shoqërohet me temperature të larta. Deri më datë 11 dhe 12 do te këtë prezencë të reshjeve, megjithatë pritet një situatë më e përmirësuar për pjesën e dytë të qershorit. Gjatë verës nuk do të mungojnë stuhitë tropikale. Pra nuk do të presim një verë të nxehtë”, u shpreh Porja.