Monday , October 3 2022

Udhëtimi që nuk u bë kurrë, ekzekutimi mafioz i 19-vjeçarit në lokal, çfarë ndodhi mbrëmë?

Qyteti i Shkodrës u trondit dje nga ekzekutimi mafioz, që i mori jetën 19-vjeçarit, Erjon Xhenje. I riu u vra pasditen e djeshme, ndvrsa ishte duke pirë kafe në një lokal pranë Bulevardit “Bujar Bishanaku”.

Për fat të ke plumbat rezultuan fatal për 19-vjeçarin, i cili mbeti i vdekur në vend. Sakaq gazetari i Abc ka zbuluar bisedën e fundit të 19-vjeçarit me babanë.

Babai e ka telefonuar Erjonin dhe i ka kërkuar që të dy bashkë të udhëtonin drejt Malit të Zi, por i riu e ka refuzuar duke i thënë se ndodhej në lokal dhe ishte duke pirë një kafe.

“Dy orë para ngjarjes babai i viktimës i ka telefonuar djalit të tij dhe i ka kërkuar ta shoqëronte drejt Malit të Zi, por ai nuk ka pranuar duke i thënë se ndodhej në një lokal dhe po pinte kafenë”, tha Simon Shkreli ndërsa po raportonte.

Për sa i përket autorëve, ata janë larguar menjëherë nga vendi I ngjarjes me një motoçikletë.

Pak minuta më vonë një motoçikletë u gjet e djegur në lagjen “Guerrile” dhe dyshohet të jetë e atentatorëve të 19-vjeçarit. Ende nuk dihen rrethanat dhe motivet e ngjarjes.