Sunday , August 14 2022

U bë virale/ 12-vjeçari humb betejën me jetën, ra në koma pas “sfidës” në TikTok

Një djalë 12-vjeçar, i cili ishte në koma për katër muaj, nderroi jete të shtunën në një spital në Londër pasi mjekët vendosën t’i heqin aparaturat që e mbanin në jetë, pas një beteje të gjatë gjyqësore.

Nëna e Archie Battersbee, Hollie Dance, tha se ai nderroi jete në orën 12:15 pasdite, rreth dy orë pasi spitali filloi të hiqte aparaturat.

Gjykatat britanike kishin refuzuar kërkesën e familjes për të transferuar Archie në një ambient të posaçëm dhe Gjykata Evropiane e të Drejtave të Njeriut refuzoi për herë të dytë të ndërhynte në këtë rast.

“Ai u mundua deri në fund,” tha Hollie Dance, duke qarë jashtë spitalit. “Unë jam nëna më krenare në botë.” Prindërit e Archie zhvilluan një sërë betejash gjyqësore për ta mbajtur djalin e tyre në jetë me aparatura.

Por mjekët argumentuan se 12-vjeçari kishte pësuar dëmtim të parikuperueshëm në tru dhe se nuk kishte asnjë shans për t’u rikthyer në jetë.

Archie Battersbee u gjet pa ndjenja në shtëpinë e tij, dhe dyshohet se u lëndua gjatë tentativës për të kryer një “sfidë” që ishte bërë virale në rrjetet sociale.