U zgjuam me reshje të dendura shiu, por ja deri kur do të zgjasin

Kushtet e paqëndrueshme atmosferike rikthehen në vendin tonë, duke bërë që gjatë paradites dhe deri në orët e pasdites Shqipëria të jetë në ndikimin e vranësirave të shpeshta të cilat do të gjenerojnë reshje shiu në të gjithë territorin. Pritet që herë pas here reshjet të jenë dhe në formë rrebeshi. Por në orët vijuese moti do të përmirësohet gradualisht në pjesën më të madhe të vendit.

Mësohet se reshjet e shiut do të vijojnë me intesitet të paqëndrueshëm deri në orën 10 të mbrëmjes e më pas do të pushojnë. Ditën e nesërme pritet një mot më diell dhe i ngrohtë raporton elbasaniplus.

Temperaturat e ajrit do të rriten në mëngjes, POR do ulen ndjeshëm në mesditës duke luhatur vlerat ditore nga 4°C deri në 16°C. Era do fryjë e lehtë dhe mesatare me shpejtësi mbi 45 km/h nga drejtimi Verior duke krijuar në brigjet detare dallgëzim 3–4 ballë.