“Elbasani pa makina”/ Bashkia njofton segmentet ku do të bllokohet qarkullimi i automjeteve

Bashkia e Elbasanit rikthen të dielën nismën “Dita pa makina”, me qëllim ndërgjegjësimin e qytetarëve për të shmangur të paktën për një ditë përdorimin e automjeteve të tyre, për një mjedis e ajër më të pastër, si dhe për sensibilizimin e shoqërisë për përdorimin e mjeteve të tjera më ekologjike.

Njoftimi i bashkisë:

✔ Të nderuar bashkëqytetarë,

Në kuadër të nismës së Qeverisë Shqiptare, “Dita pa makina”, me qëllim përmirësimin e cilësisë së ajrit dhe për një mjedis më të pastër.

E Diela e parë e çdo muaji do të jetë “Dita pa Makina”, rrjedhimisht këtë të diel, dt.03 Prill rrugët kryesore të qyteteve tona do të jenë të bllokuara për lëvizjen e mjeteve që shpenzojnë karburant nga ora 08.00 deri në orën 18.00.

Sigurisht pa penguar lëvizjen e mjeteve të urgjencës.

Shpresojmë në solidaritetin e kujtdo e kontributin për një mjedis e ajër më të pastër, si dhe për sensibilizimin e shoqërisë për përdorimin e mjeteve të tjera më ekologjike.