ElbasaniPlus Lajmet më të fundit nga Elbasani dhe jo vetëm.
Ben Blushi para disa muajsh ishte një nga emrat më të përmendur në portalet shqiptare. Rrjedhja e pagave të mbi 600 mijë shqiptarëve nxorri një lajm interesant: Blushi ishte njeriu më i mirëpaguar në Shqipëri.
Ish-deputeti i Partisë Socialiste rezulton se është paguar rreth 20 milionë lekë të vjetra në muaj te Top Channel. Një pagë e paparë, edhe pse suksesi i tij në TV nuk mund të hidhet poshtë.
Rritja e klikimeve dhe rrjedhimisht fitimeve në Top Channel nuk kanë rënë në vesh të shurdhër. Ben Blushi së shpejti do të marrë drejtimin e një tjetër televizioni të fuqishëm kombëtar.
Fillimisht mendohej se destinacioni i tij i ri do të ishte ABC News, por mesa duket akordi nuk është arritur. Aventura e tij e re do të jetë Euronews Albania.
Ky filial i televizionit botëror me të njëjtin emër, me qendër Francë, ka dy vjet në treg dhe deri tani është dalluar për cilësinë e lartë të punës.
Ben Blushi nuk është rastësisht në media. Ai është një njeri me shumë dituri dhe përvojë në botën e medias që në vitin 1991. Eksperienca në politikë e ka ndihmuar gjithashtu.