Për pak minuta prek tokën/ Të gjithë të frikësuar nga raketa kineze, Greqia merr vendimin EKSTREM

Mbetjet e raketës kineze po enden në orbitë dhe pritet që të futën në atmosferën e Tokës. Ato mund të rrëzohen për pak më shumë se një orë. Sipas përllogaritjeve, raketa mund të rrëzohet rreth orës 02:00 apo 03:00 të mëngjesit të së dielës, edhe pse orari mund të ndryshojë në varësi të trajektores që do të marrë objekti.

Kjo gjë ka shkaktuar frikë e pasiguri te qytetarët e zonave që janë cilësuar si “zona rreziku”, ku bëjnë pjesë New York, të gjithë Afrikën dhe Australinë, Japoninë dhe Spanjën, Portugalinë, Italinë dhe Greqinë. Kjo e fundit ka marrë masa lidhur me rrezikun nga raketa hapësinore kineze që do të rrëzohet në Tokë orët në vijim.

Protothema shkruan se forcat greke të sigurisë kanë kaluar në gatishmëri të pjesshme, për shkak se Greqia është në zonën e rrezikut, edhe pse shanset që pjesët e raketës kineze të bien mbi shtetin grek janë shumë të vogla. Megjithatë, në kuadër të këtyre masave, në Greqi janë pezulluar fluturimet ushtarake.

Kina ka një histori të gjatë të lejimit të pjesëve të pajisjeve të saj hapësinore të bien atje ku munden, pa llogaritur edhe dëmet që do të shkaktohen. Vitin e kaluar, nisja e parë e një rakete të gjatë Mars 5B ngriti një prototip të kapsulës hapësinore të ekuipazhit të Kinës. Përforcuesi bëri një rikthim të pakontrolluar dhe kjo bëri që disa mbeturina të binin në një fshat në Bregun e Fildishtë.

Çfarë ndodh me Kinën nëse raketa godet diçka?

Ekziston një kornizë ligjore ndërkombëtare e bazuar në traktate nga vitet 1960 dhe ’70 në të cilat një vend mund të kërkojë pagesa për dëmin e shkaktuar nga raketa e një vendi tjetër.