Deputetja e Elbasanit që i drejtoi pyetjen Veliut: “Heshtëm se u ndodhëm në situatë të vështirë”

Deputetja e Elbasanit Elena Duka, e cila i drejtoi pyetje kryepolicit Ardi Veliut për dhụnën e ushtruar ndaj 15-vjeçarit, ka reaguar për videon e publikuar ditën e djeshme. Ajo është shprehur se do të reagonte më parë, por e gjendur në situatë të vështirë, ka heshtur. Duka gjithashtu ka sqaruar se është përballur me komente dhe mesazhe fyese, kundrejt saj lidhur me situatën e shkaktuar nga Veliu. Deklaratën e plotë të deputetes e gjeni më poshtë.

“Mendja ime por besoj dhe e kolegeve të mia u ndodh në situatë të vështirë… Askush nga ne nuk komentoi, nuk interpretoi dhe as diskutoi në ato çaste mbi pamjet që u shfaqën, për t’ia lënë një momenti të dytë, më të qetë dhe ndoshta dhe më të kuptueshëm… nuk është se kuptuam shumë se çfarë po ndodhte aty…

U ndodhëm në situatë të vështirë dhe heshtëm… Nga ana tjetër, lidhur me çfarë deklaroi Drejtori i Përgjithshëm i Policisë, fjala ishte e tij dhe sqarimi duhet të ishte patjetër i tij, ashtu siç në fakt ai veproi me deklaratën e tij për shtyp. Zot i fjalës është ai që e thotë dhe vetëm ai ka të drejtë ta sqarojë.

Unë personalisht i kërkoj ndjesë publike Zonjës që shfaqej në video për faktin që isha prezente dhe që nuk reagova në atë moment, por dua të t’ju them me siguri se as unë e as koleget e mia nuk u ndjemë mirë. Kam lexuar në rrjete sociale komente fyese nga më të ndryshmet… disa dhe në inboxin tim… shoqëri që për të mbrojtur një grua shan e ofendon në të gjitha format gra të tjera… kjo është shoqëria jonë, por gjithsesi vlerësime për të gjithë që reagojnë për të drejtat… E di mendimin që pason… je përfaqësuese e popullit, duhet të japësh llogari… po patjetër në çdo kohë, por fyerjet dhe ofendimet bien njëjtë mbi të gjithë, dhembin njësoj….

Dikush më pyeste a ke fëmijë, në një shkrim na etiketonin deputetet nëna… po kemi fëmijë, jemi nëna, si një pjesë e madhe prej jush… Po, jam nënë, prandaj e pyeta Drejtorin lidhur me dhụnën e ushtruar mbi djalin e mitur…

Dua ta mbyll me një thënie të Luigi Pirandello : “Një fakt është si një thes – nuk do të ngrihet nëse është i zbrazët. Për ta bërë atë të ngrihet, së pari duhet të vendosni në të të gjitha arsyet dhe ndjenjat që çuan atë në atë gjendje”.