ElbasaniPlus Lajmet më të fundit nga Elbasani dhe jo vetëm.
65-vjeçarja Emine Agolli ndërroi jetë ditën e djeshme pasi u kafshua nga qeni i fqinjit në fshatin Çërragë të Belshit. Qeni i përkiste kunatës së Emine Agollit. Kjo e fundit kishte shkuar në shtëpinë e saj për ta takuar.
Teksa 65-vjeçarja hyri në oborr, është penguar dhe më pas është rrëzuar pranë qenit, i cili atë mbrëmje ka qenë i lidhur.
Qeni është trembur dhe e ka kafshuar duke i shkaktuar plagë të rënda dhe më pas vdekjen, kështu e rrëfejnë ngjarjen banorët e zonës.
Ndërkohë policia ka bërë të ditur se kanë arrëstuar 68 vjeçarin, pronarin e qenit.
Njoftimi i policisë:
Specialistët për Hetimin e Krimeve të Komisariatit të Policisë Cërrik arrestuan në flagrancë shtetasin G. A., 68 vjeç, pasi dje, qeni që ai mbante, ka kafshuar shtetasen E. A., 65 vjeçe (bashkëshortja e vëllait të tij), e cila për pasojë ka humbur jetën.
Specialistët për Hetimin e Krimeve të Komisariatit të Policisë Librazhd referuan materialet në Prokurori ku nisi procedimi penal për shtetasit:
-M. X., 57 vjeç, pasi në kundërshtim me vendimin e Gjykatës, ka kanosur dhe fyer, në rrugë, kunatën e tij 43-vjeçe, e pajisur me urdhër mbrojtjeje ndaj tij;
-F. A., 18 vjeçe dhe një 17-vjeçare, pasi janë konfliktuar me njëra-tjetrën, për motive të dobëta.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
