Mbrëmë (e premte) është mbajtur spektakli Big Brother VIP, ku është diskutuar qëndrimi disa ditor i banorëve në shtëpinë më të famshme në Shqipëri. Të gjithë të famshmit ishin bërë gati për spektaklin, duke u rregulluar në mënyrën më të mirë të mundshme dhe duke vënë në pah sensin e tyre të modës.
Vëmendje të madhe mori edhe paraqitja e aktores Arjola Demiri, e cila dukej pak më e ekspozuar se paraqitjet e saj të zakonshme. Aktorja tropojane e cila u bë e fmashme nga hit-seriali komik “O Sa Mirë”, kishte veshur një fustan të gjelbër elegant, me prerje të shumta nga krahu i djathtë dhe shumë të hapur te pjesa e dekoltesë.
![](https://i0.wp.com/www.elbasaniplus.com/wp-content/uploads/2021/10/Arjola-Demiri-1-1024x809.jpg?resize=618%2C488&ssl=1)
Kjo paraqitje sa atraktive aq edhe provokuese, e ka bërë aktoren Demiri të jetë shumë e komentuar gjatë mbrëmjes të së premtes në rrjetet sociale. Artistja me prejardhje nga Bajram Curri, pati fatin që të befasohet me një surprizë të këndshme nga vëllai i madh, pasi asaj i erdhi për vizitë motra e vogël në shtëpi.
E emocionuar dhe mes lotësh, Arjola e falënderoi motrën për gjithë mbështetjen e madhe që i jep, ndërsa e pyeste vazhdimisht për gjendjen e fëmijëve.
Banorët VIP të shtëpisë më të famshme në Shqipëri konkurrojnë sivjet për çmimin e madh, i cili është plot 100 mijë euro.
![](https://i0.wp.com/www.elbasaniplus.com/wp-content/uploads/2021/10/Screenshot_13-8-678x381-1-300x169-1.jpg?resize=420%2C237&ssl=1)