ElbasaniPlus Lajmet më të fundit nga Elbasani dhe jo vetëm.
Hande Erçel dhe Kerem Bursin kanë qenë në qendër të vëmendjes jo vetëm për faktin se janë aktorët kryesorë në serialin e famshëm “Sen Çal Kapimi”, por gjithashtu sepse vazhdimisht janë përfolur se kanë nisur një romancë mes tyre. Megjithëse dyshja ka mohuar vazhdimisht këto thashetheme, veprimet e tyre të fundit i kanë hedhur më shumë benzinë zjarrit.
Me përfundimin e sezonit të parë të telenovelës, dyshja ka udhëtuar drejt Maldiveve. Kerem dhe Hande kanë publikuar foto nga i njëjti vend dhe mesa duket se po i kalojnë pushimet vetëm me njëri-tjetrin. “Arratisja” e aktorëve drejt vendit romantik ka bërë që fansat të mendojnë se janë të gatshëm të pranojnë lidhjen e tyre për botën.
Për më tepër, disa ditë më parë, dyshja u panë gjithashtu në një palestër së bashku. Çifti, i cili preferoi të mos iu përgjigjej spekulimeve rreth tyre si zakonisht, kësaj here i la derën hapur thashethemeve për një lidhje të mundshme.
