Doli çift me Merin, por a e takon Saimiri në fshehtësi Generdën?

Një prej vajzave të formatit të dashurisë, “Love Story” që luftoi deri në fund për dashurinë e Saimirit ishte Generda e cila është rikthyer përsëri në Gjermani pas përfundimit të spektaklit.Ndërkohë, ajo që fitoi zemrën e “princit modern”  ishte Meri. Ata janë çifti i parë që u krijuan nga spektakli “Love Story”.

Para përfundimit të emisionit, u tha se Generda dhe Saimiri ishin të lidhur jashtë “Love Story” dhe gjithçka po e bënin për show, ndërsa zërat “u qetësuan” kur Saimiri zgjodhi të përfundojë me Merin rrugëtimin e tij. Më pas, “princi modern” u kthye sërish në Gjermani dhe kjo nxiti mjaft pikëpyetje tek fansat për marrëdhënien e tij me Merin.

Pavarësisht aludimeve të shumta, Genarda ka sqaruar edhe njëherë se s’ka asgjë me Saimirin, madje në një intervistë ka treguar se është zhgënjyer nga ai.

Së fundmi, ajo ka zhvilluar një bisedë virtuale me ndjekësit të cilët e kanë pyetur nëse e ka takuar Saimirin pas përfundimit të spektaklit dhe ajo e ka mohuar një gjë të tillë, duke iu dhënë përgjigje të gjithë dyshimeve të fansave.