Tea dhe Bearti i thonë të gjitha në intervistën e fundit. A do të rikthehen sërish në Për’Puthen?!

Çifti më i diskutuar i momentit Tea dhe Bearti mbrëmjen e djeshme  kanë sqaruar çdo gjë në një intervistë për herë të parë si çift në “Roped With Olsi”. Ata thanë se tashmë janë qetësuar pas gjithë situatës së ndodhur dhe se ju deshën disa ditë sa të mësoheshin me gjithë vëmendjen që morën.

“Mu deshën ca ditë të mësohesha me gjithë atë vëmendje, nuk ka qenë e lehtë të përballoje komentet e njerëzve. Por e kaluam, u mësuam”, u shpreh Tea.

Tae shtoi se fotot e para që bënë publik skandalin ata të dy i publikuan vetë, që të jetonin në qetësi romancën e tyre. “Fotot i publikuam vetë, se ishin selfie dhe nuk mund të bëj paparaci selfie. Kishte ardhur një pikë që nuk duronim dot më të rrinim fshehur. Ne ishim mes maleve, në Bogë, dhe prapë dolën foto që ishim atje dhe kështu vendosëm t’i nxirrnim vetë dhe ta jetonim jetën siç donim ne”, tha Tea.

Gjithashtu ajo tha se njerëzit më të rëndësishëm të produksionit të “Për’puthen” e dinin historinë e tyre, pavarësisht se në program kjo gjë u mohua. Megjithatë ata thanë se pas ngjarjes dhe gjithë debatave kanë bërë një bisedë me produksionin dhe gjërat mes tyre janë sheshuar. Gjithashtu Tea me Beartin ngritën dyshime se mund të bëhen sërish pjesë e “Për’puthen” apo ndonjë emisioni tjetër.

Kur u pyetën nga Olsi nëse mund të rikthehen si opinionistë në “Për’puthen”, Tea tha:

“Si opinionistë nuk do jemi, por do e shohim”.

Ajo shtoi se nuk kanë raport me asnjë nga konkurrentët e “Për’puthen” dhe se nuk kanë ndjekur asnjë puntatë, përveç një sherri të bujshëm.

Ndërsa sa i përket lidhjes së tyre ata thanë se nuk ka qenë dashuri me shikim të parë dhe se gjithçka ka nisur shumë gradualisht. Ata u shprehën se janë njohur me familjet, por familjet me njëra-tjetrën ende jo. Madje Bearti tha se gjyshi i Teas i ka blerë një palë shapka, që ai t’i ketë sa herë që do të shkojë në shtëpinë e tyre.