Bashkëshorti ka vite që nuk i jeton më, këngëtarja Valbona Mema rrëfen pse nuk u martua më

Këngëtarja Valbona Mema ka treguar në emisionin “Mos i fol shoferit” RTV Ora arsyen pse nuk është martuar kurrë pas ndarjes nga jeta së bashkëshortit  vite më parë. Valbona ka treguar se vazhdon ende të jetë e dashuruar me të deri në perjetësi dhe e dy fëmijët e saj janë forca më e madhe për të.

Rudina Dembacaj: Valbona, unë e di që Sokoli të mungon shumë, por pse ke zgjedhur të jesh vetëm?

Valbona Mema: Jo se unë e kam zgjedhur, por unë jetoj me të, nuk jam vetëm. Unë jetoj me dashurinë e tij, jetoj me gjithçka që ai mua më ka dhënë sepse vërtet kanë kaluar 20 vite, por mua më duket sikur e ka vetëm një 5-minutsh që mua më ka ikur, nuk është sikur ka 20 vite. Domethënë e dashuruar në përjetësi. Domethënë që unë nuk e meritoja, as ai nuk e meritonte.

Ne e meritonim të jetonim të dy të lumtur. Pavarësisht se gjysma ime nuk është e lumtur, unë jam e lumtur për fëmijët e mi. Jam treguar shumë e fortë, nuk nxjerr asnjëherë lot para tyre, por thjesht i jap kurajo, sepse unë kjo jam, kam forcë.