Ishte shpallur në kërkim ndërkombëtar, arrestohet në Elbasan 54-vjeçari

Policia ka bërë të mundur arrestimin e një 54-vjeçari në qytetin e Elbasanit, pasi ishte në kërkim ndërkombëtar.

Bëhet e ditur se në pranga është vënë shtetasi L. Kote (Taçi) , 54 vjeç, banues në Elbasan.

Sipas policisë, kapja dhe ndalimi i tij u bë, pasi Gjykata e Bergamos/Itali e ka dënuar me 14 vjet burg, për veprat penale “Vrasja e mbetur në tentativë”, “Vjedhja e armës së zjarrit” dhe “Mbajtja pa leje e armës së zjarrit në vende publike”, parashikuar nga Kodi Penal italian.