ElbasaniPlus Lajmet më të fundit nga Elbasani dhe jo vetëm.
Elbasani ka arsye të ndihet krenar për bijtë e tij që shkëlqejnë në çdo cep të botës. Një prej tyre është Bernard Dika, i cili nga një fëmijë emigrant që përballej me vështirësi për të ndjekur shkollën, u bë një figurë e respektuar në Këshillin Rajonal të Toskanës në Itali.
Historia e tij është shembull i integrimit, përkushtimit dhe suksesit përmes punës, duke treguar se rrënjët shqiptare janë burim force dhe krenarie kudo ku ndodhen.
Kryetari i Bashkisë Elbasan, Gledian Llatja, vlerësoi rrugëtimin e Bernard Dikës, duke theksuar se:
“Historia e Bernardit është një frymëzim për çdo të ri shqiptar. Ai tregon se sakrifica, përkushtimi dhe dashuria për vendin nuk kanë kufij. Diaspora jonë është pasuri kombëtare dhe Elbasani do të jetë gjithmonë krenar për njerëz si ai.”
Një histori që frymëzon çdo të ri të besojë se me punë, përkushtim dhe zemër, suksesi nuk njeh kufij.
