Profesori i Mbretërisë së Bashkuar i imunologjisë këshillon: Ja si duhet vepruar për të dëmtuar materialin gjenetik të koronavirusit

Një profesor i njohur imunologjie në “Imperial College” në Mbretërinë e Bashkuar këshillon që njerëzit, duke respektuar distancën sociale dhe kohën në dispozicion për të lëvizur, është mirë të marrin rreze dielli, sepse rrezet kanë aftësinë të dëmtojnë virusin vďekjeprurës. Sipas profesor Peter Openshaw, ekspert i njohur i mjekësisë eksperimentale në “Imperial College London”, “është e drejtë që njerëzit të marrin disa rreze”.

Ai foli në BBC, ndërsa Qeveria britanike këshilloi që njerëzit të qëndrojnë në shtëpi gjatë fundjavës së gjatë të Pashkëve. Policia gjithashtu ka paralajmëruar se ata janë të gatshëm të ndërmarrin veprime kundër atyre që thyejnë rregullat e bllokimit të koronavirusit. Por duke diskutuar mbi masat e bllokimit në televizionin live, Prof. Openshaw tha: “Nuk duhet të duken irracionale apo ndëshkuese.

Është shumë e rëndësishme që njerëzit ta kuptojnë kur ndjekin shkencën dhe ata po bëjnë gjëra që nuk do të nxisin infeksionin. Por unë personalisht nuk mund të shoh se çfarë është gabim kur ulesh dhe merr pak diell. Dielli është shumë i keq për këtë virus, ai dëmton materialin e tij gjenetik, kështu që kjo duket një gjë mjaft e drejtë për mua”.

Bashkitë në të gjithë Mbretërinë e Bashkuar kanë paralajmëruar këdo që planifikon udhëtime fundjave, që ata mund të largohen nga Policia. Zonat turistike kanë thënë gjithashtu se pushuesit dhe pronarët e shtëpive të dyta nuk janë të mirëseardhur gjatë fundjavës së Pashkëve.

Sekretari i Irlandës Veriore, Brandon Lewis, në përgjigje të Prof. Openshaw në BBC, paralajmëroi publikun të mos bënte udhëtime. Ai tha: “Unë e kuptoj logjikën e asaj që po thotë Peter. Arsyeja pse ne po u themi njerëzve që të mos shkojnë jashtë të bëjnë banjo dielli është se nis me dy persona … dhe befas do të përfundojmë me të njëjtin numër njerëzish në plazh siç kemi në Pashkë. Nuk mund ta kemi këtë”. Sekretari i Jashtëm, Dominic Raab tha se ishte ende shumë herët që ministrat të fillonin heqjen e rregullave të rrepta të distancimit shoqëror/ Dailymail