‘Divorcohu, urgjent’. Zbulohet letra që mbretëresha i dërgoi Lady Dianës 25 vjet më parë

Pas gjithë problemeve që Diana pati në martesën me Charles-in një ditë të bukur (ose jo dhe aq të bukur për mbretëreshën) doli në një intervistë me Martin Bashir dhe i tha të gjitha: që në marrëdhënien e tyre kishin qenë gjithmonë tre, ajo, Charles dhe Camilla dhe që pastaj e kish tradhtuar Charles-in me James Hewitt.

Diana gjatë intervistës

Ekspertët e komunikimit dhe ata që i kanë ndjekur nga afër historitë e familjes mbretërore kanë thënë së fundmi se menjëherë pas kësaj interviste, mbretëresha i nisi një letër nuses së djalit, Dianës, ku e nxehur për prishjen e imazhit të familjes i shkruante: Divorcohu njëherë e mirë.

Dhe ata ashtu bënë, një vit më pas, në 1996-ën i dhanë fund përgjithmonë martesës së tyre që kishte mbaruar prej kohësh e që kishte çaluar që nga fillimi.