Thursday , June 30 2022

Më shumë të shëruar sesa të infektuar sot me COVID, ndërrojnë jetë 2 qytetarë. Ja sa të infektuar në Elbasan

Advertisement

Dy qytetarë nga Tirana kanë ndërruar jetë gjatë 24 orëve të fundit, ndërsa janë zbuluar 106 raste të reja me koronavirus, nga 832 testime të kryera. Nuk e kanë fituar dot betejën me virusin një 66-vjeçar dhe 73-vjeçar, me sëmundje bashkëshoqëruese. Marjeta Dervishi nga Instituti i Shëndetit Publik njoftoi se kanë arritur që të shërohen edhe 137 pacientë të tjerë, duke e çuar në 7534 numrin e personave që e kanë mundur virusin që nga fillimi i epidemisë.

“31 të prekur në Tiranë, 12 në Durrës, 10 në Shkodër, 6 raste në Korçë, Kukës, Lushnje, 5 raste në Dibër, 4 raste në Fier, Kavajë, 3 raste në Kurbin, Elbasan, 2 raste në Devoll, Lezhë, Vlorë, 1  rast në Krujë, Rrogozhinë, Mat, Gjirokastër, Përmet, Divjakë, Malësi e Madhe, Bulqizë, Klos, Patos.”

Aktualisht, në spitalin Infektiv dhe “Shefqet Ndroqi” po trajtohen 182 pacientë, 18 në terapi intensive nga të cilët vetëm 5 pacientë janë të intubuar.

Shpërndarja gjeografike e rasteve aktive sipas qarqeve:

Tiranë         2637

Durrës         587

Shkodër      386

Elbasan       309

Lezhë           298

Fier               250

Korçë            240

Vlorë              200

Kukës             154

Berat              108

Dibër                104

Gjirokastër      75

Advertisement